Paroles Regard Sur L'histoire D'un Pays Damné De Matoub Lwennas

Paroles Regard Sur L'histoire D'un Pays Damné De Matoub Lwennas

Ya sidi εebdeṛṛeḥman
Ya mul lbeṛhan
Mel-aɣ anda icud yexf-is
S kra lğens i-gεeddan
Ekk-ed si ṛṛuman
Ulac w'ur nwit iff-is
Ur yeffiɣ ddel imeɣban
Azaglu sen-rran
D leqṛun ur sen-yenqis

Nnan w'ufan tarewla
Yeqqim di tmurt-a
Ma xeṭṭan-t welleh ar yuklal
Deg-sen u ttlummuɣ ara
Qqujeṛt lḥala
Nnejmeεnt-ed temṣeḥṣal

Tasarut wuɣur tella
Ɣer tarwa n Bexta
Akken a s-d-brun d lmuḥal

I


A Ležžayer ḥader at-tṣeggemeḍ
A d-tekkeḍ nnig tmura
Di ddel ttezzi tenneḍ
Ijifeṛ-im ur t-zeggw ara
Arraw-im a ten-tetted
S lmux nnsen tesxelḍeḍ
G yeεdawen-im tesserbaḥeḍ
ččan-kem aẓaṛ ur d-igw'ra

Mi d-ikker urgaz anifi
Ad yebɣu a m-ibeddel udem
Ddaw tmedlin neɣ d lmenfi
Aa d-yegwri f lğal inem
Wi kem-id ikksen i uṛumi
εebban Krim ben Mhidi
Kul yiwen akken yeɣli
Di lluḥ u sen-tgiḍ isem

Temmeččeḍ tettwagezṛeḍ
Ulac wi m-igan leqṛaṛ
Kul lğens dgem yeṛkeḍ
Win yeffɣen yeğa axeṣṣaṛ
S tlufa tettuceṛḍeḍ
S wecḍad-im ddel yesfeḍ
Di lmut g-gezmawen tḥedṛeḍ
Mi bɣan att- tfeğğeğğeḍ am lefnaṛ

Tteg axxam dg-em tkekkuct
Tessenɣuɣud di lḥaṛma-m
Ay ansi d-tekka taluft
Deg urebbi-m at-taf lemqam
Amek aa d-tefrari tagut
Im'aẓaṛ nneɣ nettu-t
A ɣ-tɣunfu ula d lmut
Xas nebɣa-tt u ɣ-tettaddam


II


Aṭṭas b-bwid i d-yekkren
Ad beddeln udem i tmurt-a
Bbwḍen ssufɣen iṛumyen
Iεdawen ṭṭfen tasga
Widen mu tsemmam izmawen
Tettcekkiṛen-ten
U d nitni ğğan-d limaṛa

Yeḥzen umadaɣ n zzan
Yeḥdeṛ f wid icehhden s ẓẓuṛ
S ujenwi n ddkir yeqḍeεn
I-gemmzel acḥal d aqrur
Lkwetṛa deg-sen ɣṛan
Rawlen-d i temdint yeṛɣan
Ttuḥaḥin am ẓẓeṛẓuṛ
Ur d-ufin ara imḥaddan
Ttujeggḥen ur cuṛεan
Mmuten ur dasen teččuṛ

Lemmer a d-yenṭeq Ukeffadu
Lasumam akw d sswaḥel
Ccetwa at-tuɣal d anebdu
Ṣṣeḥṛa a tt-yečč inijjel
T-tirni i ten izellu
Ddaw uḍaṛ-is yeεfes akukru
Yegla uṣewḍi d bu laṣel
Imi d nebda macahu
Taqṣiṭ uqbel a tt-nekfu
S axxam n tidett an-nenfel

Ulac wi teğğa Fṛansa
Zzuεama arkw mmuten
Wigi i ɣ-d-yeqqimen ass-a
Di lweqt nni ur d-banen
Tnayen u settin tafrara
ḥlellin-d arkw sya u sya
D nitni iɣ-tt-id-isebbwen
Cebbeḥn-as-d i Ben Bella
Mmugren-t yemdanen s taḥya
Yettu win t-idiyesmesden

Yeqqim-ed mebεid am uccen
Yeẓṛa kullec d akellex
Wigad nni aa t-iḍuṛen
Yiwen yiwen i-ten-yessassax
Ssebba urwen-tt-i-d gar-asen
D adrar n ğeṛğeṛ ɣlayen
Ffi ggulen ard a d-yeclex
ḍelqen-d i lεaṣakeṛ nnsen
Aqbayli a t-sneslaxen
εamayen ur yexsi nnafex
Yejbed lexyuḍ Bumedyen
Yenfeḍ winna d-imekken
F ukersiw iεeğğeṛ ibeṛṛex


III


Tamurt,
Tamurt s lxuf tettwajraḥ
Ula d ṣṣellaḥ
Hujṛen ur d-brinen-ara
Fukken yergazen at lemlaḥ
Ay iẓṛi imir ssaḥ
Lbaṭel iẓẓuẓ tilisa
D lesnin aya ur nennecṛaḥ
An-nekkat kan nneḥ
Nettru ɣef yimi xemsa


D lesnin uzligen acḥal
Ur teffiɣ tugdi imdanen
Lxuf i lbaṭel issawal
Tasusmi tezdeɣ ilsawen
Tamurt tuɣal tesserhab
W'iwwet Rebbi ad yeg leḥbeb
A s'rren ccac ɣef allen
A t-ceṭṭebn ad yettweεqeb
ɣef wid εzizen ad iɣab
Xas yezzi-d yehbel dayen
Xas yezzi-d yemxel dayen

Yettwaleqqem yuɣ lbaṭel
Sin lzḥṛuf ḍelqen tugdi : SM
Abrid izerfan yergel
At-tweḥceḍ deg uzal qayli
Yebbwḍ-ed wass g i tennaqlab
Lmut tusa-d ɣer ṣṣwab
T-tirni a ten-tettbibi
Win yesḥasben yettwaḥsab
Ur yexliq deg ujeggeḥ lleεb
yenfeḍ yeɣli umesbaṭli

 IV

Nγil Dayeni Lezzayer ad d-yezyin yisem-is

Yeḥlalli-d yesγi Yessexreb di tarix-is

Bab n tmurt yuγal medlul

Yekkes-as amkan bu waxlul

Inecd-d leqruban-is

Buṭan medden af aγyul

Ad Aγ YeƐfes γef Mbul

Iqugan s idisan-is

Yefγed Bu hwasou Yelsad Lgeba Ay Cettah

Tiγars Atternu Yiwen iquc Wayed Yerbeh

 Lγaci Ikeccem-iten Lhir am Uzal Igebd Dkir ahmeg kan bγir ccah

D lSnin Ur Yekes Zhir

Timmes Daγel Tedahfir

Wa Messus Wa Mellah

Yebbed-d tmanyin (80) Fγen-d medden Si bardan

Arrac Tihdayin Ad tnadin Lhaq yenfan

Ur zran nitni gunin Tnasfa gid i d as neγlin

Tiyita win i sent-id yefkan

V

Tafsut tefkad tikufta uzagen medden si rrif

Tamurt ur defki lfayda yeqers-d fellas wasif

tallas-neγ lgnas marra D debra tebbed s addif

kkren-d wid terza lmehna akken izen-d sbeh kifkif

Yemmut achal di lmezi win difeγn ad yexnunes

Ula d nekk tegla yiss-i Taluft n tebra teqqes

Wissen Taburt ma teldi ayen n diri ad yettwikes

Ma d yestaƐfu udjazayri  ma d yuγal γer lasel-ines

Di Lbatel Yewwet iγisi Yeffeγ-d usedru tafat

Wi mutten ath-nirhem rebbi segranaγ-d chfayat

anedud si leflan dda dda muh du winat

imi γran nukni d ulli ulayγar neslum taswaƐt

Win yezran ur dinna kra zzur deg ulli-s isebkas

Win umi tteks cfaya ulayγar nettekel fellas

Urumineγ s lqraya i drebhen medden tissas

Ur yelli nnif d lherma anda ken llant tkhides

Attas ad iyi sdelmen a tacrurt attafen assinen mazal yessed

D Nitni idi yissamsen ay asmi seqqaren deg ddewla igeckunted

Yebbed-d was deg iyisaskhen a yur di yizgilen ayadrar cukeγ ad cehded

fellak imaren i ddamen ay iwakken ad banen wid si qqaren assa nebed

VI

Ni les droits de l’Homme
Ni les droits de l’Homme
Sous toutes les formes
Ni aucune opposition
N’ont pris part à mon malheur
Sauf le peuple comme un seul Homme
A osé défié la peur

Ce parti ou celui-là,
Je ne me gênerai pas
À les torpiller haut et bas
Sans relâche, mais sans mépris

Pour que les geôles s’effondrent,
Pour que tous les bourreaux sombrent
Dans la triste nuit des ombres
Retirons nos vaillants
Redorons nos blasons

Accueillant cette lueur
Présage de bonheur
De haut de tous
Pour une Algérie meilleure
Et pour une démocratie majeure

VII

 

D lwajeb asirem ad yili
D lwajeb asirem ad yili
Deg ulawen ad yefti
Xas akka lwaad ay teqqes
Ma yella wteg di gma ass-agi
Tasa-w ur t-ugi Bγiγ kan ad yeffriwes
Laalam  laalam akken a d-yeflali
S yetri n tlelli Ilaq ujajih n tmes
Ad yeknef Ujazayri
Akken ad yemmekti
Anda yedda lasel-ines

Ad yini d Azayri illiγ
D leqrun i (di)yi-(i)γurren
Azar-iw ar (d)a t-nadiγ
Xas a t-ssweγ s idammen
Macci di ssuq i t-ufiγ
 Lasel-iw d Amaziγ
Ur yettnuzu ur irehhen
Ur yettnuzu ur irehhen

Xas rrzaget temsalt-iw
Xas akka ifadden-iw aayen
Ssnesdeγ  taγect-iw
A s-d-sslen medden akken llan
Ur ttakeγ  afus f tmurt-iw
Ad truh deg wecruf n zzman
Skud brarhent wallen-iw
Ad asen-zwareγ  i yimeγban

Ansi i d-yessawel lheq
Abrid-is ad i-yawi
Xas ixef-iw ad yessaaweq
Xas lmut ad tesseqsi
Ad berrez-γ  lgar d ccer

Aammdeg agris d uqebli
Kul wa akken i s-yehwa ad yentaq
Ad yini kan d Azayri
Timsal akk sdukelt-aγ
γlin warrac d imectah
Deg yiwet n tegwnitt yessaγ
Udfel n lbatel γef lerwah
Ihuza medden akk sawraγ
Lzzayer udem-is yennejrah
Ttebr ur iteffeg allag
Gas azekka ad nennecrah
S idammen n wid yexnunsen
Ad yebreq wudem n tlelli
Knant-ed tsedwa i ybaaden
Ttwakksen Xemsa n yimi
Tehwej tmurt irgazen
Deg nasliyin tettgani
D nitenni a tt-yessenquqlen
Yir amdur akken a s-yegli

A Propos De Matoub Lounes :

Artiste / groupe : Matoub Lounes
Genre : Kabyle
Vrai nom : Lounes Matoub
Naissance le : 24/01/1956
Mort : Assassiné le 25 juin 1998